বউ

হারা দিন কাম করি, ঘাম ঝরে পাও,
ঘর ও আইলেউ বউয়ে কয় দোকানো যাও।
ট্রাফিক আর গরমে আমি নাজেআইল, 
বউয়ে কয় ঘর ও নাই চাউল আর ডাইল।
তাড়াতাড়ি যাও তুমি মারওয়ারী দোকানো,
আনিও চাউল আর পারো যদি চিকেন ও।
খোঁচা মারি কইলাম আমি, শেষ নি তোমার লিস্টি,
মুখ ঝামটা মারিয়া কয় লাগবো বুলে মিষ্টি।
কোনমতে থলি লইয়া বাইরে দিলাম পাও, 
পিছে তাকি ডাকিয়া কয় ফর্দ লইয়া যাও।
চাউল, ডাইল, তেল মশলা কোনতা নাই ঘর, 
জিগাইলাম হারাদিন ঘর কিতা কর।
ফেসবুক আর হোয়াটসআপ খুব মনো থাকে, 
সংসার ও মন দেও ওতার ফাঁকে ফাঁকে।
নাক মুখ ফুলাইয়া বুড়ি অউ যে চুপ মারল, 
ঘুরাইয়া ফিরাইয়া মাতে অখন আমার কাম সারল।